VAZIR_VA_RAHBAR_AYOLLAR_UCHRASHUVI
Vazir Hilola Umarova: "Rahbar ayollar maktabi" tinglovchilarining 44 nafari ta’lim xodimi ekanligidan faxrlanamiz"
✅ Bugun Maktabgacha va maktab ta’limi vaziri Hilola Umarova ishtirokida "Rahbar ayollar maktabi" o‘quv dasturi doirasida tahsil olayotgan xotin-qizlar uchun o‘quv soati tashkil etildi.
Unda mazkur dasturda qatnashayotgan 100 nafar ishtirokchi ayollar qamrab olindi. Ulardan 44 nafari ta’lim muassasalari rahbarlaridir.
➖ Vazir Hilola Umarova o‘z so‘zida yurtimizda xotin-qizlarning ijtimoiy-siyosiy hayotdagi faol ishtiroki va Davlatimiz rahbari tomonidan bu borada ko‘rsatilayotgan yuksak e’tibor va rag‘bat haqida alohida to‘xtalib o‘tdi.
📍 Ma'lumot o‘rnida: "Rahbar ayollar maktabi" o‘quv kursida tinglovchilar davlat boshqaruvini tashkil etishning muhim jihatlari xususida malakali ekspertlardan tahsil olishadi.
Dasturni muvaffaqiyatli tamomlaganlar xorijning nufuzli universitetlari, ilmiy markazlari va kompaniyalarida malaka oshirishi belgilangan.
❗️Vazirlik tizimida faoliyat olib borayotgan qariyb bir million xodimning 72 foizi, tizim rahbarlarining deyarli 50 foizi xotin-qizlardan iborat.